LEBANON KE AANSU | Dilsoz Nazm | Mazloom Awam Ke Liye

باسمہ سبحانہ
جرس احساس
سید نجیب الحسن زیدی

لبنان کے آنسو بہتے ہیں
لبنان میں خون برستا ہے
لبنان سے شعلے اٹھتے ہیں
زہریلے بادل چھائے ہیں
احساس کا سینہ چھلنی ہے
وحشت کے بھالے برسے ہیں
دیواروں سے خوں ٹپکتا ہے
سڑکوں پہ اجل کا ڈیرا ہے
گلیوں میں موت کا پھیرا ہے
ہر گھر میں بسی ہے خاموشی
شہروں میں اداسی چھائی ہے
کچھ سہمے سہمے بچے ہیں کچھ سہمی سہمی مائیں ہیں
زخموں کی ردائیں اوڑھے ہوئے کچھ خون میں ڈوبے لاشے ہیں
کچھ جان بکف
کچھ سر بکفن
دھرتی کے جیالے نکلے ہیں
میدان میں لڑنے جاتے ہیں
مالک کی طرح جندب کی طرح
لیکن جب وہ بستی کی طرف میدان جنگ سے آتے ہیں
ویران مناظر کی جانب اٹھتی ہیں پتھرائی آنکھیں
مائوں بچوں کی لاشوں کے زخمی بہنوں کے جسموں کے
کپڑوں پر خون کے چھاپے ہیں
ہر داغ لہو کا دمکتا ہے
اک باپ کے ٹھنڈے چہرے کو
مایوس یتیمی تکتی ہے
مردہ بیٹے کے ماتھے کو
ممتا نے بڑھ کر چوما ہے
احساس کی پلکیں بھیگی ہیں
ہر ضبط کا باندھ ٹوٹا ہے
سینوں میں محشر برپا ہے
کچھ لوگ مگر یہ کہتے ہیں
لبنان سے ہم کو کیا مطلب ؟
وہ لڑتے ہیں تو لڑنے دو
وہ مرتے ہیں تو مرنے دو
ہم چین و سکون سے رہتے ہیں سو ہم کو یوں ہی رہنے دو
سڑکوں پے ہماری رونق ہے
گلیاں بھی ہماری ہنستی ہیں
بازار ہمارے روشن ہیں
ہر شہر ہمارا جگ مگ ہے
کھیتوں میں بسی ہے ہریالی
باغوں میں سبزہ ہنستا ہے
خوشیوں کی بنسی بجتی ہے
عشرت کی کوئل گاتی ہے
لیکن کچھ سال گزر جانے کے بعد …
ویران ہے اب ہر اک بستی
ہر کوچے خون میں ڈوبے ہیں
ہر گھر میں ہوکا عالم ہے
اب شہر نہیں ویرانے ہیں
کھیتوں میں اگی ہیں چنگاری
باغوں میں آگ کی پھلواری
کل چین کی بنسی بجتی تھی
عشرت کی کوئل گاتی تھی
پر آج کا منظر بدلا ہے
اشکوں کا مینھ برستا ہے
اندوہ کا ڈمرو بجتا ہے
زخموں کی ردائیں اوڑھے ہوئے اب ہر سو خونیں لاشے ہیں
سہمے سہمے بچے ہیں اور سہمی سہمی مائیں ہیں
اس حشر بداماں منظر میں ایک چیخ سنائی دیتی ہے
یہ کیسے ہوا یہ کس نے کیا ؟
مجروح ضمیر پکار اٹھا
لبنان کی تھی یہ چنگاری
لبنان سے شعلے لپکے تھے

لبنان کے آنسو ٹپکے تھے
کل جب لبنان سلگتا تھا
کل جب لبنان دہکتا تھا
تم سوئے تھے ،تم چین کی بنسی بجاتے تھے
اب ذلت کے رسوائی کے جھولے میں سدا کو سو جائو

Aap Welayat TV ko support kar sakte hain

Account Name:
Welayat Educational and Welfare Trust

Indian Bank Accounts se NEFT ke liye
Current Account Number: 40929765774

Bank Name: State Bank of India
IFSC code: SBIN0016168
Branch Name: HARDOI ROAD BY-PASS, LUCKNOW

UPI 40929765774@sbi
———-
Note -. Donation Transfer karne ke baad Is Number pe 7380594310 Reciept ko Whatsapp se bhejiye.

➽ Subscribe ➽ https://bit.ly/32a2mTG 🔔Stay updated !

“Official Website”
www.WelayatTV.com
“Follow on Facebook”
https://www.facebook.com/WelayatTv
“Subscribe Youtube Channel”
https://www.youtube.com/c/WelayatTv
“Follow on Instagram”
https://www.instagram.com/WelayatTv
“Follow on Google Plus”
https://plus.google.com/u/0/+WelayatTv

#WelayatTv #WelayatTvPresentation #nazm #poetry #hearttouching #heartwrenching #heart #heartbroken #lebanon #LebanonKeAansu